December 02 ndiyo siku rasmi ya kuanzishwa kwa kituo cha Clouds Fm ambapo kwa mwaka huu kimetimiza miaka 15,taarifa ilitoka kuwa hii si Birthday ya siku moja bali ni Birthday ya mwezi mzima huu December.

Kwa wakazi wa 88.5 Dar es salaam leo walipata nafasi ya kukusanyika pamoja kwenye parking za magari za Mliman City kisha kufurahi pamoja na kumshukuru Mungu kwa miaka hii 15 na kujiandaa kuipokea sikukuu ya Christmas.

Party hii ilipewa jina la Christmas Carlos Night ambayo iliandaliwa na Clouds ikishirikiana na Mliman City,kwaya mbalimbali zilijumuika na kisha kutoa burudani kwa watu waliofika kwenye party hii ambayo haikua na kiingilio.