TAARIFA KUTOKA JESHI LA POLISI MKOANI MWANZA

MTU MMOJA MWALIMU WA SHULE YA MSINGI ANASHIKILIWA NA JESHI LA POLISI KWA TUHUMA ZA KUMFANYIA UKATILI MWANAE KWA KUMPIGA FIMBO SEHEMU MBALIMBALI ZA MWILI WAKE NA KUMSABABISHA KIFO WILAYANI KWIMBA

KWAMBA TAREHE 21.04.2017 MAJIRA YA SAA 16:00HRS KATIKA KIJIJI CHA MWAMAKOYE KATA YA MWAKILYAMBITI TARAFA YA NYAMILAMA WILAYA YA KWIMBA MKOA WA MWANZA, INADAIWA KUWA MTU ALIYEJULIKANA KWA JINA LA EMMANUEL WARIOBA MIAKA 26, MWALIMU WA SHULE YA MWAMAKOYE NA MKAZI WA KIJIJI CHA MWAMAKOYE, ANASHIKILIWA NA JESHI LA POLISI KWA TUHUMA ZA KUMFANYIA UKATILI MWANAE AITWAYE SIFAEL EMMANUEL MIAKA 8, MWANAFUNZI WA DARASA LA KWANZA SHULE YA MSINGI MWAMAKOYE KWA KUMPIGA FIMBO SEHEMU MBALIMBALI ZA MWILI WAKE NA KUPELEKEA KIFO CHAKE, KITENDO AMBACHO NI KOSA KISHERIA.

INADAIWA KUWA MAREHEMU ALIKUA NA TABIA YA KUCHELEWA KURUDI NYUMBANI PINDI ANAPOTUMWA DUKANI NA MAMA YAKE NA KUTOKANA NA TABIA HIYO MAMA YAKE ALIKUA AKIMPA ADHABU , NDIPO TAREHE TAJWA HAPO JUU MAMA YAKE ALIMUAGIZA TENA DUKANI NA KAMA KAWAIDA YA MAREHEMU ALICHELEWA KURUDI NYUMBANI. INASEMEKANA KUWA PINDI MAREHEMU ALIPORUDI NYUMBANI BABA YAKE ALIMKAMATA NA KUANZA KUCHAPA FIMBO SEHEMU MBALIMBALI ZA MWILI WAKE KWA MUDA MREFU HALI ILIYOPELEKEA MTOTO KUKOSA NGUVU NA BAADAE KUPOTEZA MAISHA.

WANANCHI WALITOA TAARIFA POLISI KUHUSIANA NA TUKIO HILO, KUTOKANA NA TAARIFA HIYO ASKARI WALIFANYA UFUATILIAJI WA HARAKA HADI ENEO LA TUKIO NA KUFANIKIWA KUMKAMATA MTUHUMIWA. MTUHUMIWA YUPO KATIKA MAHOJIANO NA JESHI LA POLISI PINDI UCHUNGUZI UKIKAMILIKA ATAFIKISHWA MAHAKAMANI, MWILI WA MAREHEMU UMEHIFADHIWA HOSPITALI YA WILAYA YA NGUDU KWA AJILI YA UCHUNGUZI, PINDI UCHUNGUZI UKIKAMILIKA UTAKABIDHIWA KWA NDUGU WA MAREHEMU KWA AJILI YA MAZISHI.

KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WAZAZI/WALEZI AKIWATAKA WAANGALIE NI NAMNA GANI WANAWEZA KUWAELIMISHA WATOTO WAO KATIKA KUWAWEKA KUWA NA MAADILI MEMA KULIKO KUTOA ADHABU AMBAZO ZINGINE ZINAPELEKEA KULETA MADHARA KWAO NA PENGINE KUSABABISHA KIFO.

IMETOLEWA NA;

DCP: AHMED MSANGI

KAMANDA WA POLISI (M) MWANZA