TAARIFA KUTOKA JESHI LA POLISI MKOA WA MWANZA

TAREHE 12.05.2017 MAJIRA YA SAA 19:00HRS USIKU KATIKA MWALO WA LUMEYA KATA YA NYAKALILO TARAFA YA BUCHOSA WILAYA YA SENGEREMA MKOA WA MWANZA, ASKARI WAKIWA KWENYE MISAKO NA DORIA WALIFANIKIWA KUWAKAMATA WATU NANE WAKIWA NA NYAVU HARAMU MAKOKORO KUMI NA MOJA (11) ZA KUVULIA SAMAKI, KITENDO AMBACHO NI KINYUME NA SHERIA.

WATUHUMIWA WALIOKAMATWA WANAFAHAMIKA KWA MAJINA YA 1.LUCAS MICHAEL MIAKA 51, MKAZI WA NYAHUNGE, 2.MAUGO MASATO MIAKA 79, MKAZI WA IKAGU, 3.FELICIAN JOHN MIAKA 36, MKAZI WA MWANGIKA, 4.BUSANYA PAULO MIAKA 24, MKAZI WA LUMEYA, 5.FITINA WALESI MIAKA 32, MKAZI WA NYAMAZUGO, 6.MATESO NGOKI MIAKA 20, MKAZI WA NYASHANA KALEBEZO, 7.MAKUBA MATORONA MIAKA 30, MKAZI WA LUMEYA NA 8.RAYMOND COSTANTINO MIAKA 34, MKAZI WA NYAKALILO.

AWALI ASKARI WAKIWA KWENYE DORIA NA MISAKO WALIPATA TAARIFA KUTOKA KWA WASIRI KWAMBA KATIKA MAENEO YA MWALO TAJWA HAPO JUU WAPO BAADHI YA WAVUVI WANAOTUMIA NYAVU HARAMU MAKOKORO KATIKA SHUGHULI ZAO ZA UVUVI. AIDHA BAADA YA ASKARI KUPOKEA TAARIFA HIZO WALIZIFANYIA KAZI HUKU WAKIENDELEA NA DORIA, NDIPO ILIPOFIKA MAJIRA TAJWA HAPO JUU WALIFANIKIWA KUWAKAMATA WATUHUMIWA NANE WAKIWA NA NYAVU KUMI NA MOJA HARAMU ZA KUVULIA SAMAKI.

WATUHUMIWA WOTE NANE WAPO KATIKA MAHOJIANO NA JESHI LA POLISI, PINDI UCHUNGUZI UKIKAMILIKA WATAFIKISHWA MAHAKAMNI, AIDHA UPELELEZI NA MISAKO KATIKA MAENEO MBALIMBALI YA KUWATAFUTA WATU AMBAO WANAJIHUSISHA NA UVUVI HARAMU BADO UNAENDELEA.

KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WANANCHI WA JIJI NA MKOA WA MWANZA HUSUSANI WAVUVI AKIWATAKA KUFUATA NA KUTII SHERIA NA TARATIBU ZA UVUVI ZA HAPA NCHINI KWETU ILI WASIJE WAKAINGIA KWENYE MATATIZO, AIDHA PIA ANAWAOMBA WANANCHI KUENDELEA KUTOA USHIRIKIANO KWA JESHI LA POLISI KWA KUTOA TAARIFA ZA WAHALIFU MAPEMA ILI WAWEZE KUKAMATWA NA KUFIKISHWA KATIKA VYOMBO VYA SHERIA.

KATIKA TUKIO LA PILI;

TAREHE 12.05.2017 MAJIRA YA SAA 18:00HRS KATIKA KIJIJI CHA BUCHOSA WILAYA YA SENGEREMA MKOA WA MWANZA, ASKARI POLISI WAKIWA KWENYE KIZUIZI CHA BARABARA YA SENGEREMA – MWANZA WALIFANIKIWA KUWAKAMATA WATU WAWILI WALIOFAHAMIKA KWA MAJINA YA 1. JUSTIN GRISHENI MIAKA 32, MKAZI WA BUHONGWA – MWANZA, NA 2.FAIDA EMANULI MIAKA 42, MKAZI WA IGOMA – MWANZA, WAKIWA WANASAFIRISHA POMBE ZILIZOHIFADHIWA KWENYE VIFUNGASHIO VYA PLASTIKI ALMAARUFU KAMA VIROBA BOKSI 200

WAKIWA NA GARI LENYE NAMBA T. 237 CFQ AINA YA FORD FREDA WAKITOKEA NCHI JIRANI YA UGANDA KUJA MWANZA KWA NJIA YA MAGENDO, KITENDO AMBACHO NI KOSA KISHERIA.

AWALI POLISI WAKIWA KWENYE KIZUIZI WALILITILIA SHAKA GARI TAJWA HAPO JUU LILIPO WAKARIBIA NDIPO WALIMPA AMRI DEREVA YA KUSIMAMA LAKINI DEREVA ALIKAIDI AMRI HIYO HALALI KISHA ALIGEUZA GARI NA KURUDI ALIPOTOKEA. ASKARI WALILIFUATILIA GARI HILO KWA NYUMA HADI BAADAE WALIFANIKIWA KULIKAMATA, AIDHA BAADA YA KULIKAMATA LILIFANYIWA UPEKUZI NA KUKUTWA LIKIWA NA BOKSI 200 ZA POMBE ZILIZOHIFADHI KWENYE VIFUNGASHIO VYA PLASTIKI VIROBA.

WATUHUMIWA WOTE WAWILI WAPO KATIKA MAHOJIANO NA JESHI LA POLISI, PINDI UCHUNGUZI UKIKAMILIKA WATAFIKISHWA MAHAKAMANI, AIDHA UPELELEZI DHIDI YA WATU WANAOSHIRIKIANA NA WATUHUMIWA KATIKA UUZAJI NA USAFIRISHAJI WA POMBE HIYO HARAMU YA VIROBA BADO UNAENDELEA.

KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WAKAZI WA JIJI NA MKOA WA MWANZA AKIWAOMBA KUTOA TAARIFA ZA WATU WANAOFANYA BIASHARA YA POMBE ZA VIROBA HUKU WAKIFAHAMU FIKA KWAMBA SERIKALI IMEPIGA MARUFUKU UUZAJI WA POMBE HIYO, ILI WAWEZE KUKAMATWA NA KUFIKISHWA MAHAKAMANI.

IMETOLEWA NA:

DCP: AHMED MSANGI.

KAMANDA WA POLISI (M) MWANZA