MANDERA, Kenya
SIKU moja baada ya tukio la watu wenye silaha waliosemekana kuwa wa
kundi la Al-Shabaab kuvamia na kulishambulia kwa risasi basi la abiria
la kampuni ya Makkah, kwa lengo la kuwauwa abiria wa dini ya kikristo,
imebainika kuwa wanawake wa kiislamu waliwaokoa wakristo kwa kuwafunika
na Hijab.
Mmoja wa abiria aliyenusurika kifo katika shambulio hilo la basi
lililofanyika juzi eneo la Mandera, aliviambia vyombo vya habari vya
kimataifa kuwa wanawake wa Kiislamu walivua hijab na kuwastiri wanawake
wakikristo ili kuwaokoa wasiuawe.
Abiria huyo ambaye ni Mwalimu kitaaluma, alijeruhiwa wakati wa
shambulizi hilo la alfajiri na kusema kuwa mara baada ya basi hilo
kutekwa, Magaidi hao waliwaeleza kuwa waislamu wote wako salama.
“Walituambia kuwa sisi waislamu tulikuwa salama na hivyo tukagundua kuwa wanawalenga wakristo, hapo ndipo wanawake tukavua hijab zetu na kuwavalisha wanawake wakikristo ili kuwaepusha na kifo,” alisema.
Aidha alisema kwa kuwa wapiganaji hao walikuwa wanaume, wanawake
walijitenga na kuwafi cha wanawake wakristo na hivyo kuwaokoa wasiuawe
kwa kuwa hakukuwa na ukaguzi wa kuwavua hijab.
Kutokana na hatua hiyo, idadi ya waathirika ilikuwa ndogo kufuatia jitihada za abiria waislamu kuwafi cha na kuwaokoa wenzao wakristo waliokuwa wakisafi ri pamoja.
Tukio hilo limevutia hisia za wengi kote duniani ambapo watu wa kada
mbalimbali waliusifu umoja huo ulioweka pembeni imani za kidini ambazo
kwenye baadhi ya maeneo zinaleta mtafaruku mkubwa.
0 comments:
Post a Comment